Мемлекеттік білім беру ұйымдарындағы білім алушылар мен тәрбиеленушілерге қаржылық және материалдық көмек көрсету

Мемлекеттік білім беру ұйымдарындағы білім алушылар мен тәрбиеленушілерге қаржылық және материалдық көмек көрсету
Мемлекеттік білім беру ұйымдарында қосымша қолдауды қажет ететін білім алушылар мен тәрбиеленушілерге әлеуметтік қолдау көрсету жұмыстары жалғасуда. Қаржылық және материалдық көмек қолданыстағы қағидаларға сәйкес көрсетіліп, сапалы білім алуға тең мүмкіндік жасауға бағытталған.
Көмек алу құқығына мыналар ие:
* мемлекеттік атаулы әлеуметтік көмек алатын отбасылардың балалары;
* жан басына шаққандағы табысы күнкөріс деңгейінен төмен отбасылардың балалары;
* отбасында тәрбиеленіп жатқан жетім балалар мен ата-анасының қамқорлығынсыз қалған балалар;
* қиын өмірлік жағдайға тап болған немесе төтенше жағдай салдарынан зардап шеккен отбасылардың балалары;
* білім беру ұйымының алқалы органы айқындайтын білім алушылардың өзге де санаттары.

Көрсетілетін қолдау түрлері:
— киіммен, аяқ киіммен және мектепке қажетті құралдармен қамтамасыз ету;
— білім беру ұйымында болған кезеңде тегін тамақтандыруды ұйымдастыру;
— қаржылық көмек көрсету;
— мәдени-көпшілік және спорттық іс-шараларға қатысуға жағдай жасау;
— жалпы білім беретін пәндер бойынша қосымша сабақтарды ұйымдастыру.
Көмек алу үшін ата-аналарға (заңды өкілдерге) білім беру ұйымына уақытылы жүгініп, белгіленген тәртіпке сәйкес қажетті құжаттарды ұсыну қажет.

Білім алушыларды әлеуметтік қолдау — әрбір баланың сапалы әрі қолжетімді білім алуына жасалған маңызды қадам.