Асыл сөзді іздесең, Абайды оқы, ерінбе!

«Асыл сөзді іздесең, Абайды оқы, ерінбе!»

Мектепте «Абайтану» бағдарламасы бойынша «Абайтану»  факультативін 10 -11 сыныпта  үшінші жыл жүргіземін. «Абайтану»  сабағында ақынның шығармашылығында, адам болмысы, қоғамдық - саяси, қара сөздері, аудармалары талданады. Бұл сабақта заманауи инновациялық технологиялар пайдаланамыз.  Сонымен қатар, сын тұрғысынан ойлау технологиясы арқылы оқушылардың Абай шығармаларын талдайды, ойларын ашады, әндерін үйренеді, шығармашылық жұмыстар орындайды. Ғаламтор желісі арқылы оқушылар Абай туралы  жинап әкелген мәліметтерін,  бірге талдап әңгімелейміз. Оқушылардың білімдерін тексеру мақсатында шығарма, тест тапсырмалары өткізіліеді. Абай мұралары  30 – 60 жылдардың тарихы, мекен-жайы қарастырылады. Тіл ғылымдарын қалыптастырушы Мұхтар Әуезов, Сәбит Мұқанов, Айқын Нұрқатов, Мырзахметовтардың еңбектері талданады. Сабақ  зерттеу сабағы, қорғау-сабақ, диалог-сабақ, пікірталас  сабақ, саяхат,  лекция түрінде түрінде өтеді. Сабақта  сондай-ақ сын тұрғысынан ойлау технологиясын, жобалау технологиясын қолданамын. "Абайтану" сабақта диалогиялық әңгіме, баяндау, талқылау, сұхбат, дәлелдеу, мәнерлеп оқу, жатқа оқу әдістері қолданылады. "Абайтану" саласы сыныптан тыс  шараларымен ұштасуда. Тілдер мерекесі, әдеби кештерде,  басқа да үлкен іс-шараларда оқушылар Абайдың өлеңдерін жатқа айтады.Жыл сайын өткізіліп жүрген аудандық «Абай оқулары» байқауына оқушылар қатысып, жүлделі орындарға ие болып жүр.